Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 342 Hüküm no: 319 Orijinal metin no: [80b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mustafa’nın İbrahim b. Abdullah’daki bargir bedelinden olan alacağını tahsil etmesi Hamal tâifesinden işbu râfi‘ü’l-vesîka Mehmed b. Mustafa nâm kimesne mahmiye-i İstanbul’da meclis-i şer‘de İbrahim b. Abdullah mahzarında üzerine da‘vâ ve takrîr-i kelâm edip mezbûr İbrahim zimmetinde işbu yedimde olan temessükü mûcebince yedimden iştirâ ve kabz eylediği beynimizde ma‘lûm bargir semeninden otuz dört guruş hakkım olmağla hâlâ meblağ-ı mezbûru taleb ederim, suâl olunsun dedikde, gıbbe’s-suâl mezbûr İbrahim cevâbında fi’l-vâki‘ müdde‘î-i mezbûra zimmetinde yedinden iştirâ ve kabz eylediği beynlerinde ma‘lûm bargir semeninden otuz dört guruş vâcibü’l-edâ deyni olduğunu ikrâr u i‘tirâf etmeğin mûcebince meblağ-ı mezbûru müdde‘î-i merkūme edâ ve teslîme mezbûr İbrahim’e tenbîh birle mâ-vaka‘a bi’t-taleb ketb olundu. Fi’l-yevmi’l-ışrîn min-Rebî‘i’l-âhir li-sene sitte aşere ve mi’e ve elf. Şuhûdü’l-hâl: Hüseyin Efendi b. Himmet, İsmail Efendi kâtib, Ömer Efendi kâtib, Mustafa Efendi kâtib.