Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 346 Hüküm no: 324 Orijinal metin no: [81b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un eşi Abdullah’dan muhalaa usulüyle boşanması Mahmiye-i İstanbul’da kâtib Muslihiddin mahâllesinde sâkine olup zâtı Eyyâm İsmail Efendi b. Ömer ve Hüseyin Efendi b. Mustafa nâm kimesneler ta‘rîfleriyle mu‘arrefe olan Âişe bt. Abdullah nâm hatun mahmiye-i mezbûrede meclis-i şer‘de zevc-i muhâlı‘ı işbu bâ‘isü’l-vesîka Abdullah b. Ahmed nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Abdullah ile beynimizde hüsn-i mu‘âşeretimiz olmayıp hul‘a tâlibe olduğum ecilden zimmetinde mütekarrir ve ma‘kūdün-aleyh olan altı yüz akçe mehr-i müeccelimin üç yüz akçesini bana edâ ve teslîm, ben dahi yedinden ba‘de’l-ahz ve’l-kabz mehr-i müeccelimden bâkī üç yüz akçe ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Abdullah ile muhâla‘a-i sahîha-i şer‘iyye ile muhâla‘a olduğumda ol dahi hul‘-ı mezbûru kabûl eylediğinden sonra hukūk-ı zevciyete ve sâir beynimizde ma‘lûm hukūka müte‘allıka âmme-i da‘vâdan mezbûr Abdullah’ın zimmetini ibrâ ve iskāt eyledim dedikde gıbbe’ş-şer‘î mâ-vaka‘a bi’t-taleb ketb lundu. Fî 27 min-Rebî‘ülâhir sene 1116. Şuhûdü’l-hâl: Salih Çelebi b. Ahmed, Molla Ahmed b. Mehmed, el-Hâc Abdülkerim b. Ömer, Mehmed b. Ahmed, Mehmed Efendi b. Hüseyin, Ahmed Beşe b. Mehmed, el-Hâc Yusuf.