Bab Mahkemesi 54 Numaralı Sicil (H. 1102 / M. 1691) cilt: 20, sayfa: 365 Hüküm no: 445 Orijinal metin no: [77a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mehmed’in Ebûbekir b. Süleyman’dan muhâlaa yoluyla boşanması Mahmiye-i İstanbul’da Topkapısı kurbunda Bayezid mahallesi sâkinelerinden Fâtıma bt. Mehmed nâm hâtun ba‘de’t-ta‘rîfi’ş-şer‘î meclis-i şer‘-i şerîf-i enverde, zevc-i dâhili işbu bâ‘isü’l-kitâb Ebûbekir b. Süleyman mahzarında ikrâr ve takrîr-i kelâm edip, zevcim mezbûr Ebûbekir zimmetinde mütekarrir ve ma‘kūdun-aleyh iki bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr ile muhâla‘a-i sahîha-i şer‘iyye ile muhâla‘a olup, ol dahi ber vech-i muharrer hul‘-ı mezbûru kabûl ettiğinden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı râfi‘ü’l-hisâm ile ibrâ ve iskāt eyledik dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Cumâdelâhire sene 1102. Şuhûdü’l-hâl: Ali b. Hüseyin, Ali b. Şaban, Mehmed Çelebi, Ali b. Bâli, Mustafa Çelebi b. Mehmed.