Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 352 Hüküm no: 334 Orijinal metin no: [83a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’un eşi Hüseyin’den muhalaa usulüyle boşanması Mahmiye-i İstanbul’da Karagümrük kurbünde Hadîce Sultân mahâllesinde sâkine olup ta‘rîf-i şer‘î ile mu‘arrefe olan Havva bt. Abdullah nâm hatun mahmiye-i mezbûrede meclis-i şer‘-i hatîrde zevc-i muhâlı‘ı işbu bâ‘isü’l-vesîka Hüseyin b. Hasan nâm kimesne mahzarında ikrâr ve takrîr-i kelâm edip zevcim mezbûr Hüseyin ile beynimizde hüsn-i zindegânemiz olmayıp hul‘a tâlibe olduğu ecilden zimmetinde mütekarrir ve ma‘kūdün-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Hüseyin ile muhâla‘a-i sahîha-i şer‘iyye ile muhâla‘a olup ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 4 Cumâdelûlâ sene 1116. Şuhûdü’l-hâl: el-Hâc Mustafa Efendi kâtib, Ömer Efendi kâtib, Mustafa Efendi kâtib, Emin Mehmed Efendi kâtib, Çukadâr el-Hâc Ali b. ( ).