Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 360 Hüküm no: 344 Orijinal metin no: [85a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukıye Hatun’un boşandığı eşi Ahmed Efendi’de kalan mehir ve sair alacağını tahsil etmesi Mahmiye-i İstanbul’da Kovacılar mahâllesinde sâkine olup zâtı el-Hâc İsmail b. Ahmed ve el-Hâc Ali b. Mustafa nâm kimesneler ta‘rîfleriyle mu‘arrefe olan Rukıye bt. Abdullah nâm hatun mahmiye-i mezbûrede meclis-i şer‘-i hatîrde zevc-i mutallıkı işbu bâ‘isü’l-kitâb Ahmed Efendi b. İsmail mahzarında bi-tav‘ihâ ikrâr ve takrîr-i kelâm edip mezbûr Ahmed Efendi bundan akdem zevcim olup beni bâyinen tatlîk etmekle zimmetinde mütekarrir ve ma‘kūdün-aleyh olan dört bin akçe mehr-i müeccelim ve bi’t-terâzî nafaka-i iddet-i ma‘lûmem ve meûnet-i süknâm için ta‘yîn olunan üç yüz akçe ki cem‘an dört bin üç yüz akçeyi mezbûr Ahmed Efendi bana def‘ ü teslîm ben dahi yedinden tamâmen ahz u kabz eylediğimden sonra husûs-ı mezbûra ve sâir beynimizde olan ahz u i‘tâ ve mu‘âmelât-ı şettâya müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde, gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sâmin min-Cumâdelûlâ li-sene sitte aşere ve mi’e ve elf. Şuhûdü’l-hâl: Süleyman Çelebi b. Ahmed, Salih Çelebi İmamzâde, Mehmed Çelebi attâr, Mehmed Çelebi berber, el-Hâc Yusuf b. Osman,