Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 366 Hüküm no: 353 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah, Ömer ile Osman’ın bağ hisselerini Hasan b. Ahmed’e satmaları hakkında terkin edilmiş kayıt Bu hüccetde sehiv olmağla dördüncü hüccetden sonra tekrâr kaydolunmuşdur. <> akd-i âtî sudûruna değin müvekkilûn-ı merkūmûnun babaları müteveffâ-yı müşârün-ileyhden müntakil mülkleri olup mahrûse-i Galata nevâhîsinden İstinye nâhiyesine tâbi‘ Boğazkesen kalesi civârında Şehidler Çayırı demekle ma‘rûf mahâlde vâki‘ bir tarafdan ( ) bağı ve bir tarafdan çayır ve bir tarafdan mer‘a ve bir tarafdan tarîk-i âm ile mahdûd tahmînen seksen ırgadlık olup <> kürûm ve câ-be-câ eşcâr-ı müsmire ve gayr-ı müsmireli harâbe bağın hâsılı harcına vefâ etmemekle semen-i misli ile âhara bey‘ olunmak sagīr-i mezbûr hakkında dahi her vechile evlâ ve enfa‘ olmağın bi’l-izni’ş-şer‘î bağ-ı mezbûr sûk-ı sultânîde mecma‘-ı nâs olan mahâllerde nidâ ve müzâyede olunup ba‘de-inkıtâ‘ı’r-rağbe elli guruşda mezbûr Hasan üzerinde karâr edip ziyâde ile tâlib-i âhar zuhûr etmeyip ve meblağ-ı merkūm hîn-i bey‘de bağ-ı mezbûrun semen-i misli idiği sikāt ihbârıyla mütehakkık olmağın ben dahi vekâletim hasebiyle bağ-ı mezbûru semen-i misli olan meblağ-ı merkūm elli guruşa bi-cümleti’t-tevâbi‘ ve’l-levâhık mezbûr Hasan’a tarafeynden îcâb ve kabûlü hâvî bâtten bey‘ ve temlîk ol dahi ber-vech-i muharrer iştirâ ve temellük ve kabûl eylediğinden sonra semen-i merkūm elli guruşu mezbûr Hasan yedinden tamâmen ahz u kabz eyledim, fîmâ-ba‘d bağ-ı mahdûd-ı mezkûr mülk-i müşterâsı ve dâhil-i havza-i tasarrufu olmuşdur, müvekkillerimin kat‘â alâka ve medhalleri yokdur, mahâllinde keyfe mâ yeşâ ve yahtâr mutasarrıf olsun dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu.>> <> <<Şuhûdü’l-hâl: Fahrü’l-müderrisîn Abdullah Efendi b. Mustafa, Mehmed Efendi b. Ahmed, İsmail Efendi el-kâtib, Ömer Efendi b. Ali, el-Hâc Osman b. İsmail.>>