Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 368 Hüküm no: 355 Orijinal metin no: [86b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın Keşanlı Ömer Ağa’da olan alacağını tahsil etmesi Mahmiye-i İstanbul’da Nahılbend mahâllesi sâkinlerinden işbu bâ‘isü’l-vesîka Mehmed Ağa b. Ali nâm kimesne mahmiye-i mezbûrede meclis-i şer‘de sâbıkā Duhân Gümrüğü emîni olan Keşanlı Ömer Ağa b. İsmail mahzarında üzerine da‘vâ ve takrîr-i kelâm edip mezbûr Ömer Ağa zimmetinde cihet-i karz-ı şer‘îden üç bin yüz elli guruş hakkım olmağla hâlâ taleb eylediğimde bana edâdan imtinâ‘ eder, suâl olunsun dedikde, gıbbe’s-suâl mezbûr Ömer Ağa cevâbında fi’l-vâki‘ müdde‘î-i mezbûr Mehmed Ağa’ya zimmetinde cihet-i karz-ı şer‘îden vâcibü’l-edâ bin yüz elli guruş deyni olduğunu bi-tav‘ihî ikrâr ve i‘tirâf etmeğin mûcebince meblağ-ı mezbûr bin yüz elli guruşu mezbûr Mehmed Ağa’ya edâ ve teslîme merkūm Ömer Ağa’ya tenbîh olunup mâ vaka‘a bi’t-taleb ketb olundu. Fi’l-yevmi’l-hâdi aşer min-Cumâdelûlâ li-sene sitte aşere ve mi’e ba‘de’l-elf. Şuhûdü’l-hâl: İsmail Efendi el-kâtib, el-Hâc Mehmed Efendi b. Ahmed, Ömer Efendi b. Ali, Mehmed Ağa el-mübâşir.