Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 391 Hüküm no: 388 Orijinal metin no: [92b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun’un eşi Mehmed Beşe’den muhalaa usulüyle boşanması Mahmiye-i İstanbul’da Kadıçeşmesi kurbünde Altıpoğaça mahâllesinde sâkine Emetullah bt. Mehmed nâm hatun zâtı ba‘de’t-ta‘rîf-i şer‘î mahmiye-i mezbûrede meclis-i şer‘de zevc-i muhâlı‘ı râfi‘ü’l-vesîka Mehmed Beşe b. Mustafa nâm kimesne mahzarında ikrâr ve takrîr-i kelâm edip mezbûr Mehmed Beşe zevcim olup beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh olan üç bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mehmed Beşe ile muhâla‘a-i sahîha-i şer‘iyye ile muhâla‘a olup ol dahi hul‘-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 17 min-Cumâdelevvel sene 1116. Şuhûdü’l-hâl: Takyeci Mehmed Çelebi, karındaşı Mustafa Çelebi, Berber el-Hâc Ali b. ( ). Berber İbrahim Çelebi b ( ).