Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 393 Hüküm no: 391 Orijinal metin no: [93a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Afife Hatun’un eşi İsmail Beşe’den muhalaa usulüyle boşanması Mahmiye-i İstanbul’da Kuyumcu Kemâl mahâllesi sâkinelerinden olup zâtı Mehmed Efendi b. Mehmed ve Ahmed Beşe b. Mehmed nâm kimesneler ta‘rîfleriyle mu‘arrefe olan Afife bt. Mehmed nâm hatun mahmiye-i mezbûrede meclis-i şer‘-i enverde zevc-i muhâlı‘ı işbu bâ‘isü’l-vesîka İsmail Beşe b. Mehmed nâm kimesne mahzarında ikrâr ve takrîr-i kelâm edip mezbûr İsmail Beşe zevcim olup beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh olan üç bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere mezbûr İsmail Beşe ile muhâla‘a-i sahîha-i şer‘iyye ile muhâla‘a olup ol dahi hul‘-ı mezbûru ba‘de’l-kabûl hukūk-ı zevciyete müte‘allıka umûrda her birimiz âharı ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis ve’l-ışrîn min-Cumâdelûlâ li-sene sitte aşere ve mi’e ve elf. Şuhûdü’l-hâl: İbrahim b. Mehmed, Hüseyin Sofu b. Veli, Süleyman b. Ahmed, İvaz b. Abdullah, Mustafa Çelebi b. Halil.