Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 395 Hüküm no: 394 Orijinal metin no: [93b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia Hatun’un talebi üzerine kızı Ümmühani’ye nafaka tahsis edilmesi Mahrûse-i Galata muzâfâtından kasaba-i Kasımpaşa’da Kara İmam mahâllesinde sâkine bâ‘isetü’l-kitâb Rabia bt. Mustafa nâm hatun mahmiye-i İstanbul’da meclis-i şer‘-i hatîrde zevc-i sâbıkı Ahmed Beşe b. Turâbî mahzarında takrîr-i kelâm ve bast-ı merâm edip zevcim mezbûr Ahmed Beşe’nin firâşından hâsıla ve benden mütevellide işbu sagīre kızım Ümmühani’nin nafaka ve kisve ve sâir levâzım-ı zarûriyesi için babası mezbûr Ahmed Beşe üzerine kadr-ı ma‘rûf nafaka ve kisve baha farz ve takdîr olunmak matlûbumdur dedikde hâkim-i muvakkı‘-ı sadr-ı kitâb tûbâ lehû ve hüsnü-meâb hazretleri sagīre-i mezbûrenin nafaka ve kisve-baha ve sâir levâzım-ı zarûriyesi için babası mezbûr Ahmed Beşe üzerine bi’t-terâzî târîh-i kitâbdan beher yevm dörder akçe nafaka ve kisve-baha farz ve takdîr edip meblağ-ı mefrûz-ı mezkûru sagīre-i mezbûreye harc u sarfa ve lede’l-iktizâ istidâne ve vakt-i zaferde babası merkūm Ahmed Beşe üzerine rücû‘a mezbûre Rabia Hatun’a izin verilip mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Cumâdelûlâ sene sitte aşere ve mi’e ve elf. Şuhûdü’l-hâl: Mehmed Efendi b. Ahmed, Ömer Efendi b. Ali, Emin Mehmed Efendi el-kādı, el-Hâc Yusuf b. Osman.