Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 417 Hüküm no: 422 Orijinal metin no: [101b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Tarandafilo’nun İlya v. Koço’da olan alacağının babası tarafından tahsili hakkında terkin edilmiş eksik kayıt [100a-1’in devamı mükerreren yazılmıştır] <<… cevâbında fi’l-vâki‘ hâlik-i merkūma cihet-i karzdan zimmetinde ol mikdâr guruş deyni olduğunu ikrâr, lâkin kitâb-ı merkūmun mevlânâ-yı müşârün-ileyh kıbelinden vürûdu ma‘lûmum değildir deyü inkâr etmeğin vekîl-i merkūmdan kitâb-ı mezbûrun mevlânâ-yı müşârün-ileyh kıbelinden vürûduna beyyine taleb olundukda zeylinde isimleri mastûr olan şuhûd-ı tarîkden Mustafa b. Abdullah b. Abdurrahim ve Ahmed b. Abdurrahman b. Abdullah nâm kimesneler li-ecli’ş-şehâde meclis-i şer‘e hâzırân olup isre’l-istişhâd fi’l-vâki‘ işbu kitâb-ı naklî hâlâ Yenişehir-i Fener kādısı olan umdetü’l-mevlâli’l-izâm Şerîf Efendi b. Mahmud b. Ali üzerimize kırâet ve huzûrumuzda ba‘de’l-imzâ mühürleyip hatt ü hatemine bizi istişhâd eyledi, hâlâ kitâb-ı mezbûrun zeylinde olan imzâ mevlânâ-yı müşârün-ileyhin kendi hattı ve zahrında olan hatem kendi hattıdır, kitâb-ı mezbûrun mevlânâ-yı müşârün-ileyh kıbelinden vürûduna bu vech üzere şâhidleriz, şehâdet dahi ederiz deyü her biri edâ-yı şehâdet-i şer‘iyye etdikde ba‘de’t-ta‘dîl ve’t-tezkiye şehâdetleri makbûle olmağın mûcebince ba‘de’l-hükm meblağ-ı [mezkûr] on yedi guruşu vekîl-i mezbûr Eşteryo’ya edâ ve teslîme merkūm İlya’ya tenbîh olunup mâ-vaka‘a bi’t-taleb ketb olundu. < <<Şuhûdü’l-hâl: Ali Efendi b. Ahmed, el-Hâc Mehmed Efendi b. Ahmed Efendi, İsmail Efendi el-kādı, Ömer Efendi el-kādı, Mustafa Efendi el-kâtib>>