Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 430 Hüküm no: 438 Orijinal metin no: [106a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gürcü asıllı Abdullah’ın daha önce efendisi olan Abdullah Ağa’nın kendisini azat etmiş olduğuna dair iddiası Rıkka inkıyâdı olmağla zikri âtî da‘vâya kıbel-i şer‘den mezûn olan orta boylu açık kaşlı sarı elâ gözlü Gürciyü’l-asl Abdullah b. Abdullah mahmiye-i İstanbul’da meclis-i şer‘de mevlâsı işbu râfi‘ü’l-kitâb el-Hâc Abdullah Ağa b. Abdurrahman nâm kimesne mahzarında üzerine takrîr-i kelâm edip ben merkūm el-Hâc Abdullah Ağa’nın abd-i memlûkü olmağla merkūm el-Hâc Abdullah Ağa târîh-i kitâbdan bir sene mukaddem abd-i memlûkü olduğum hâlde beni malından tahrîr ve i‘tâk ve kayd-ı rıkdan itlâk ve zümre-i ahrâr-ı asliyyîne idrâc ve ilhâk edip târîh-i kitâbdan beri ben sâir ahrâr-ı [106b] asliyyîn gibi hür olmuş iken hâlâ mezbûr el-Hâc Abdullah Ağa bana rıkk olmak üzere bi-gayrı hakkın vaz‘-ı yed eder, suâl olunup kasr-ı yedine tenbîh ve sebîlim tahliye olunmak matblûbumdur dedikde gıbbe’s-suâl ve akībe’l-inkâr müdde‘î-i mezbûrdan müdde‘âsına beyyine taleb olundukda ityân-ı beyyineden izhâr-ı acz edip tahlîfe dahi tâlib olmamağın müdde‘î-i mevsûf-ı mezbûr Abdullah bilâ-beyyine bî-vech mu‘ârazadan men‘ birle mâ-vaka‘a bi’t-taleb ketb olundu. Fi’l-yevmi’r-râbi aşere min-Cemâziyelâhir li-sene sitte aşere ve mi’e ve elf. Şuhûdü’l-hâl: Mehmed Beşe b. Ahmed, Ali Beşe b. Mehmed, Şaban Ağa b. Abdullah, Süleyman Ağa b. Abdullah, Köscü? Halil Çelebi, Mustafa Beşe b. Hasan, İbrahim Efendi b. Ataullah.