Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 434 Hüküm no: 444 Orijinal metin no: [107b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eğin kazası ahalisinden Ali Ağa’nın Sarraf Dardıgan oğlu Menküs ile her hangi bir alacak ve vereceklerinin kalmadığı Vilâyet-i Anadolu’da Eğin kazâsı ahâlîsinden olup mahmiye-i İstanbul’da Tavukpazarı kurbünde müsâfiren sâkin Ali Ağa b. Mehmed nâm kimesne mahmiye-i mezbûrede meclis-i şer‘-i şerîf-i enverde kazâ-i mezbûr mütemekkinlerinden olup mahmiye-i mezbûrede Bardakcılar Hanı’nda müsâfiren sâkin sarrâf tâifesinden işbu bâ‘isü’l-vesîka Dardıgan oğlu Menküs v. Melkon nâm zimmî muvâcehesinde ikrâr-ı tam ve takrîr-i kelâm edip bundan akdem mezbûr Münküs ile ba‘zı beynimizde ma‘lûm ticâretden vâki‘ olan ahz u i‘tâ ve mu‘âmelât-ı şettâ târîh-i kitâba gelinceye değin ba‘de’l-hesâb zimmetinde bir akçe ve bir habbe kalmayıp ber-vech-i muharrer beynimizde cereyân eden cemî‘ ahz u i‘tâ ve mu‘âmelât ve hukūk-ı ma‘lûme ve mechûleye müte‘allıka âmme-i da‘vâ ve mutâlebât ve eymân ve muhâsamâtdan ben mezbûr Menküs’ün zimmetini ibrâ-i âmm-ı kātı‘ü’n-nizâ‘la ibrâ ve iskāt edip ol dahi ber-vech-i muharrer benim zimmetimi ibrâ ve iskāt eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâdi ve’l-ışrîn min-Cemâziyelâhire li-sene sitte aşere ve mi’e ve elf. Şuhûdü’l-hâl: İshak Bey b. İbrahim Ağa, Halil Ağa b. el-Hâc Süleyman, İsmail Beşe b. İbrahim, Osman Beşe b. Ahmed Beşe, İbrahim Çelebi b. Bektaş, Abdurrahman Çelebi b. Ebubekir.