Bab Mahkemesi 54 Numaralı Sicil (H. 1102 / M. 1691) cilt: 20, sayfa: 377 Hüküm no: 459 Orijinal metin no: [80b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dudu bt. Süleyman’ın Ahmed b. Mustafa’dan muhâlaa yoluyla boşanması Mahmiye-i İstanbul’da Manisalı Çelebi mahallesi sâkinelerinden olup, zâtını ma‘rifet-i şer‘iyye ile ârifân Mehmed b. Hasan ve Ahmed b. Abdullah nâm kimesneler ta‘rîfleriyle mu‘arrefe olan Dudu bt. Süleyman nâm hâtun meclis-i şer‘-i şerîf-i enver ve mahfil-i dîn-i münîf-i ezherde, zevc-i dâhili bâ‘isü hâze’l-kitâb Ahmed b. Mustafa mahzarında ikrâr ve takrîr-i kelâm edip mezbûr Ahmed zevcim olup beynimizde hüsn-i zindegânemiz olmamağla, zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Ahmed ile muhâla‘a-i sahîha-i şer‘iyye ile muhâla‘a edip, ol dahi ber vech-i muharrer hul‘-ı mezbûru kabûl ettiğinden sonra hukūk-ı zevciyyete müte‘allika da‘vâdan her birimiz âharın zimmetini ibrâ-i âmm-ı râfi‘ü’l-hisâm ile ibrâ ve iskāt eyledik dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min Cumâdelâhire li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Mahmud b. Hasan, Ali [b.] Bâli, Mehmed b. Ahmed.