Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 477 Hüküm no: 498 Orijinal metin no: [121a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Kanos’un çocuklarına anneleri Sani’nin vasi tayin edilmesi Mahmiye-i İstanbul’da Kum[kapı] kurbünde Tavâşî Süleyman Ağa mahâllesinde sâkin iken bundan akdem hâlik olan Kanos v. Todori nâm zimmînin sagīr oğlu Yanaki ile sagīre kızı Haristi’nin tesviye-i emrlerine kıbel-i şer‘den mansûb vasîleri olan karındaşları Yorgaki nâm zimmî diyâr-ı âhara âzim olup umûr-ı vesâyet mu‘attala kalmağla umûr-ı vesâyetini ikāmet için kıbel-i şer‘den zamm-ı vasî nasb u ta‘yîn olunmak lâzım ve mühim olmağın hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri dahi sagīrân-ı merkūmânın vâlideleri işbu râfi‘ü’s-sifr Satı bt. Manol nâm Nasrâniyeyi zamm-ı vasî nasb ve ta‘yîn etdikde ol dahi kabûl ve merâsimini edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’l-hâmis aşere min-Recebi’l-mürecceb li-sene sitte aşere ve mi’e ve elf. Şuhûdü’l-hâl: Eyüb Çelebi b. Mehmed, Mehmed b. Abdullah, es-Seyyid Ebubekir b. Mehmed, Ali Efendi b. Ahmed, Mehmed Efendi b. Ahmed, İsmail Efendi el-Kādı.