Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 501 Hüküm no: 524 Orijinal metin no: [128b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saraybosna cizyedarı Hüseyin Ağa’nın İbrahim Ağa’ya olan borcuna karşılık olarak Beypazarı mukataasına mutasarrıf olan diğer Hüseyin Ağa’daki alacağını havale etmesi Sâbıkā Bosna Sarayı Cizyedârı olup hâlâ mahmiye-i İstanbul’da Şehzâde Câmi‘i kurbünde Emin Nureddin mahâllesinde müsâfiren sâkin olan Kato Hüseyin Ağa b. Mustafa b. Mehmed mahmiye-i mezbûrede meclis-i şer‘de işbu bâ‘isü’l-kitâb İbrahim Ağa b. İsmail b. Mahmud mahzarında ikrâr-ı tam ve takrîr-i kelâm edip benim işbu mezbûr İbrahim Ağa’ya beynimizde cereyân eden mu‘âmelâtdan ba‘de-külli’l-hesâb zimmetimde bin üç yüz guruş deynim olup benim dahi hâlâ ber-vech-i mâlikâne bâ-berat-ı Sultânî Beypazarı mukāta‘âsına mutasarrıf olan Hüseyin Ağa b. Mehmed Ağa zimmetinde cihet-i şer‘iyyeden yedimde olan bir kıt‘a deyn temessükü ve hüccet-i şer‘iyye mûcibince bin üç yüz guruş hakkım olmağla işbu mezbûr İbrahim Ağa’yı meblağ-ı mezbûr bin üç yüz guruş ile kabûlüne mevkūfe havâle-i sahîha-i şer‘iyye ile mezbûr Mehmed Ağa üzerine itâle ve taslît eylediğimde ol dahi havâle-i mezbûreyi kabûl eylediğinden sonra mezbûr Mehmed Ağa’nın yedimde olan bir kıt‘a deyn temessükü ile bir kıt‘a hüccet-i şer‘iyyeyi mezbûr İbrahim Ağa’ya teslîm edip ol dahi ahz u kabz eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis ve’l-ışrîn min-Recebi’l-mürecceb li-sene sitte aşere ve mi’e ve elf. Şuhûdü’l-hâl: İbrahim Ağa b. Mustafa, Yusuf Bey b. Abdullah, Fahrü’l-akrân Mehmed Ağa-yı gönüllüyân-ı Sadr-ı âlî, Fahrü’l-akrân Ömer Ağa Ağa-yı dîvân-ı Sadr-ı âlî, diğer Mehmed Ağa tâbi‘-i Veli Paşa, Kara Ali b. el-Hâc Abdullah, Ali Efendi b. Ahmed, el-Hâc Mehmed Efendi b. Ahmed, Ömer Efendi el-kādı, Veliyüddin Efendi el-kādı, el-Hâc Yusuf b. Osman.