Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 520 Hüküm no: 545 Orijinal metin no: [134b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’un varisesi olan Emetullah’ın Âmine adlı hatun aleyhine veraset davası hakkında eksik kayıt İstanbul’da Sarıishak mahâllesinde sâkine iken bundan akdem müteveffât olan Havva Hatun bt. Süleyman b. el-Hâc Receb’in ammetesi ve zevi’l-erhâm cihetinden hasran vârisesi olan Emetullah bt. el-Hâc Receb nâm hatun mahmiye-i mezbûrede meclis-i şer‘-i hatîrde arsasının mahâlle-i mezbûre imamına senede yedi yüz yirmi akçe mukāta‘âsı olup mahâlle-i mezbûrda vâki‘ bir taraf Baltacılar Kethüdâsı Ahmed Ağa mülkü ve bir taraf çeşme yolu ve bir taraf mahâlle ve bir taraf tarîk-i hâs ile mahdûd iki bâb fevkānî oda ve bir sofa ve dehliz üzerinde bir oda ve bir tahtânî matbâh ve mahzen ve bi’r-i mâ ve bahçe ve havluyu müştemil binâsı mülk menzile vâzı‘atü’l-yed olan bâ‘isetü’l-kitâb Âmine bt. Abdullah nâm hatun muvâcehesinde menzil-i mezbûrûn arsa-i mevkūfesinde meşrûtiyet üzere mütevellî olan mahâlle-i mezbûre imamı Mehmed Efendi hâzır olduğu hâlde üzerine da‘vâ ve takrîr-i kelâm edip menzil-i mezbûrun arsası mûrisim müteveffât-ı mezbûrenin tasarrufunda ve binâsı ile’l-vefât mülkü olup ba‘de-vefâtihâ ebniye-i memlûke-i mezbûre bi’l-irsi’ş-şer’î bana isâbet ve intikāl etmiş iken mezbûre Âmine menzil-i mezbûrun ebniye ve arsasına bi-gayrı vechin şer‘î vaz‘-ı yed eder suâl olunsun dedikde gıbbe’s-suâl mezbûre Âmine Hatun cevâbında fi’l-hakīka menzil-i mezbûrun arsası müteveffât-ı mezbûrenin tasarrufunda ve binâsı mülkü olduğu hâlde hâl-i hayât ve kemâl-i sıhhatinde bin yüz yedi senesi Recebinin yirmi üçüncü gününde menzil-i mezbûrun arsasını işbu mütevellî-i mezbûr ma‘rifetiyle meccânen bana ferâğ ve tefvîz ve ebniye-i memlûke-i mezkûresini dahi yine târîh-i mezbûrda şuhûd mahzarında bana hibe-i sahîha-i şer‘iyye ile hibe ve temlîk ü teslîm ben dahi ber-vech-i muharrer menzil-i mezbûrun arsasını tefvîz ve ebniye-i memlûke-i mezkûresi mülk-i mevhûbum olmuşdur deyü def‘le mukābele ve takrîr-i meşrûhasını nâtık ve târîh-i mezbûr ile müverreha ve mütevellî-i ... Beyaz beyaz beyaz [135b] Beyaz beyaz beyaz