Bab Mahkemesi 54 Numaralı Sicil (H. 1102 / M. 1691) cilt: 20, sayfa: 387 Hüküm no: 472 Orijinal metin no: [83a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhzır Hacı Mehmed Vakfı mütevellisinin İbrahim b. Mehmed’i vekil tayin etmesi Mahmiye-i İstanbul’da Hâce Hâtun mahallesinde sâkin olup, hâlâ mahmiye-i mezbûrede vâki‘ Muhzır el-Hâc Mehmed Vakfı’na bi’l-fi‘il mütevellî olan el-Hâc Musa b. Osman nâm kimesne meclis-i şer‘-i şerîf-i enver ve mahfil-i dîn-i münîf-i ezherde, işbu râfi‘ü’l-kitâb İbrahim Efendi b. el-Hâc Mehmed mahzarında ikrâr ve takrîr-i kelâm edip, bir husûs için ben âhar diyâra âzim olmağla tevliyet-i merkūmenin hizmet-i lâzımesini görmek için tarafımdan merkūm İbrahim Efendi’yi vekîl ve menâbıma nâib-i menâb nasb ve ta‘yîn eyledim dedikde, ol dahi vekâlet-i mezbûreyi ber vech-i muharrer kabûl ve hizmet-i lâzımesini kemâ-yenbağī edâya ta‘ahhüd etmeğin, mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Cumâdelâhire sene 1102. Şuhûdü’l-hâl: Abdüllatîf Efendi, Siyavuş Bey b. ( ), İbrahim Çelebi b. Ahmed, Mustafa b. Şaban ve gayruhüm.