Bab Mahkemesi 54 Numaralı Sicil (H. 1102 / M. 1691) cilt: 20, sayfa: 402 Hüküm no: 493 Orijinal metin no: [86b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Mustafa’nın Hüseyin b. Ahmed’den muhâlaa yoluyla boşanması Mahmiye-i İstanbul’da Hoca [Ü]veys mahallesi sâkinelerinden zâtı Mustafa Efendi b. Veli ve es-Seyyid Mehmed Çelebi b. es-Seyyid Ömer Çelebi ta‘rîfleriyle mu‘arrefe olan Ayşe bt. Mustafa nâm hâtun meclis-i şer‘-i şerîf-i enverde, zevc-i dâhili bâ‘isü hâze’l-kitâb Hüseyin b. Ahmed nâm kimesne mahzarında ikrâr ve takrîr-i kelâm edip, zevcim mezbûr Hüseyin zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Hüseyin ile muhâla‘a-i sahîha-i şer‘iyye ile muhâla‘a edip, ol dahi vech-i muharrer üzre hul‘-ı mezbûru kabûl eyleyip, ba‘de’l-yevm zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin ve’l-ışrîn min Cumâdelâhire li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Receb b. Mehmed, Mustafa Beşe b. Abdullah, İbrahim Çelebi ve gayruhüm.