Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 378 Hüküm no: 472 Orijinal metin no: [96a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hüseyin’in Mustafa b. Halil’e sattığı vakıf arsa ve menzil için ücret talebinde bulunmasının kanunsuz olduğu Ma‘rûz, Sâhib-i arzuhâl Mehmed b. Hüseyin mahfil-i şer‘iyyâtda arzuhâlde ismi mezkûr es-Seyyid Mustafa b. Halil muvâcehesinde bin yüz altmış beş senesi Şa‘bânı’nda İstanbul’da Canbâz mahallesinde vâki‘ İmamzâde Abdullah Efendi Vakfı’ndan mutasarrıf olduğum yevmî bir akçe icâre-i müecceleli arsa ve binâsı vakıf menzilimi merkūm es-Seyyid Mustafa’ya bâ-ma‘rifet-i mütevellî ferâğ ve tefvîz, ol dahi tefevvüz ve kabûl ve mütevellîsi dahi tasarrufuna izin ve yedine temessük verip iki sene mutasarrıf oldukdan sonra menzil-i mezbûr yine mütevellî ma‘rifetiyle beş yüz guruşa âhara ferâğ edip lâkin târîh-i mezbûrdan berü bedel-i ferâğ-ı mezbûr beş yüz guruşu bana vermemekle hâlâ taleb ederim deyü da‘vâya tasaddî eyledikde, takrîr[i] üzere da‘vâsı bedel-i ferâğ olup mesmû‘a olmamağla müdde‘î-i mezbûr Mehmed husûs-ı mezkûr için mezbûr es-Seyyid Mustafa’ya bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 20 Muharremi’l-harâm sene 1172.