Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 391 Hüküm no: 490 Orijinal metin no: [100a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın, Mehmed aleyhindeki alacak davasının reddedilmesi Ma‘rûz, es-Seyyid Mustafa b. es-Seyyid el-Hâc Veliyyüddin mahfil-i şer‘iyyâtda bâ‘is-i i‘lâm es-Seyyid Mehmed b. Hasan muvâcehesinde mezbûr es-Seyyid Mehmed yedinden mukaddemâ istidâne ve kabz ve ba‘dehu kendüye edâ eylediğim yüz elli guruş için beher sene devr-i şer‘î ve ilzâm-ı ribh edip dokuz senede fâide olmak üzere benden me’hûzu olan iki yüz iki buçuk guruşu mezbûr es-Seyyid Mehmed’den hâlâ taleb ederim deyü da‘vâ etdikde takrîr-i meşrûhu üzere devr-i şer‘î ve ilzâm-ı ribh ile verdiği meblağın istirdâdı mutâlebesi meşrû‘ olma[ma]ğla mezbûr es-Seyyid Mustafa, mezbûr es-Seyyid Mehmed’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 Muharremi’l-harâm sene 1172.