Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 398 Hüküm no: 501 Orijinal metin no: [102a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Ahmed aleyhindeki kefalet ve alacak davasının reddedilmesi Ma‘rûz, Arzuhâl eden Ohan v. Donik zimmî mahfil-i şer‘iyyâtda derûn-ı arzuhâlde mezkûrü’l-ism Hamal Ahmed b. Mehmed muvâcehesinde merkūm Ahmed’in babası müteveffâ Mehmed hayatında târîh-i i‘lâmdan dört sene mukaddem yedimden istidâne ve kabz ve masârıfına sarfla istihlâk eylediği doksan beş guruşun edâsına hayatında oğlu işbu merkūm Ahmed bi’l-emr ve’l-kabûl kefîl ve zâmin olmağla kefâletine binâen taleb ederim deyü da‘vâsında müteveffâ Mehmed’in babası ve dedesi ismini zikr ü beyân ile tashîh-i da‘vâ ve tasvîr-i müdde‘âya kādir olamayıp mezbûr Ahmed dahi münkir olmağla müdde‘î-i mesfûr Ohan zimmînin da‘vâ-yı mezkûresine iltifât olunmadığı huzûr-ı âlîlerine i‘lâm olundu. Fî 2 min-Safer sene [1]172.