Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 398 Hüküm no: 502 Orijinal metin no: [102b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’ya olan borcunu ödemesi hususunda Ali b. Mustafa’ya tenbihte bulunulması Bâ-mühr-i efendi Ma‘rûz, Cerrâhpaşa’da sâkin Hasan Ağa b. Mustafa meclis-i şer‘-i münîrde Rumeli’nde Niğbolu ahâlîsinden es-Seyyid el-Hâc Ali b. Mustafa mahzarında bin yüz yetmiş bir senesi şehr-i Rebî‘ülâhiri’nde medîne-i Belgrad’da beş yüz guruş ve medîne-i Vidin’de yüz guruş ki cem‘an iki def‘ada mezbûr es-Seyyid el-Hâc Ali’ye malımdan altı yüz guruş ikrâz ve teslîm, ol dahi yedimden iktirâz ve kabz ve kendi masârıfına sarfla istihlâk edip hattâ mezbûr es-Seyyid el-Hâc Ali şehr-i merkūmun yirmi yedinci günü meblağ-ı mecmû‘-ı mezkûr altı yüz guruş zimmetinde bana edâsı vâcib deyni olduğunu mahzar-ı şuhûdda ikrâr edip işbu bir kıt‘a deyn temessükünü yedime i‘tâ etmekle meblağ-ı mecmû‘-ı mezkûru mezbûr es-Seyyid el-Hâc Ali’den hâlâ taleb ederim deyü takrîr-i meşrûhunu nâtık bir kıt‘a deyn temessükü ibrâzıyla ba‘de’d-da‘vâ ve’l-inkâr müdde‘î-i mezbûr Hasan Ağa ber-minvâl-i muharrer müdde‘âsını lede’t-tezkiye şehâdetleri makbûle olan Tophâne’de Salı Pazarı’nda sâkin es-Seyyid Ahmed Çelebi b. Süleyman ve Parmakkapı’da Çatal Hanı’nda sâkin es-Seyyid Hasan b. Ahmed şehâdetleriyle vech-i şer‘î üzere muvâcehesinde ba‘de’l-isbât mezbûr es-Seyyid el-Hâc Ali meblağ-ı mecmû‘-ı mezkûru ahzını ve ber-vech-i muharrer ikrâr edip temessük-i mezkûru verdiğini ikrâr, lâkin el-Hâc İsmail nâm kimesne mezbûr Hasan Ağa’ya bana karzen akçe vermek üzere mektûbuyla emr etmekle ona binâen vermeğin meblağ-ı mecmû‘-ı mezkûr benden iktizâ etmez deyü tasaddî eylediği def‘ sahîh olmamağla mu‘teber olmayıp mûcebiyle meblağ-ı mecmû‘-ı mezkûr altı yüz guruşu müdde‘î-i mezbûr Hasan Ağa’ya edâ ve teslîme mezbûr es-Seyyid el-Hâc Ali’ye tenbîh olunduğu huzûr-ı âlîlerine i‘lâm olundu. Fî-selhi Muharrem sene 1172.