Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 399 Hüküm no: 504 Orijinal metin no: [102b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi hususunda Halil Ağa’ya tenbih olunması Ma‘rûz, Bakkāl tâifesinden bâ‘is-i i‘lâm Dimitri v. İskerlet nâm zimmî mahfil-i şer‘iyyâtda el-Hâc Halil Ağa muvâcehesinde mezbûr el-Hâc Halil Ağa zimmetinde târîh-i i‘lâmdan yedi ay mukaddem iştirâ ve kabz eylediği doksan beş vakiyye asel bahâsından otuz guruş otuz beş [para] alacağım olmağla hâlâ taleb ederim deyü da‘vâ, ol dahi cevâbında müdde‘î-i mezbûrun ber-vech-i muharrer müdde‘âsını ikrâr ü i‘tirâf etmeğin alâ-mûcibi i‘tirâfihî meblağ-ı mezbûr otuz guruş otuz beş parayı müdde‘î-i mesfûr Dimitri zimmîye edâ ve teslîme [103a] mezbûr el-Hâc Halil Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 4 S sene 1172