Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 406 Hüküm no: 515 Orijinal metin no: [105a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafize Hatun’un kendisine hakaret ettiğine dair Hatice Hatun aleyhindeki iddiasını ispat edemediği Ma‘rûz, Arzuhâl sâhibesi olup zâtı ta‘rîf-i şer‘î ile mu‘arrefe olan Hafize bt. Mehmed mahfil-i şer‘iyyâtda kezâlik zâtı ta‘rîf-i şer‘î ile mu‘arrefe olan derûn-ı arzuhâlde mezkûretü’l-ism Hadice bt. Abdullah muvâcehesinde mezbûre Hadice bundan akdem bana bi-gayr-ı hakkın “bire fâhişe bire kahbe” deyü şetm etmekle mûceb-i şer‘îsini taleb ederim deyü ba‘de’d-da‘vâ ve’l-inkâr müdde‘iye-i mezbûre ber-minvâl-i muharrer müdde‘âsı için beyyineye havâle olunduğu işbu târîh-i i‘lâm senesi Muharremi’nin yirmi dokuzuncu günü zabt olunmuş idi. henüz da‘vâlarına faysal verilmediği sâdır olan fermân-ı âlîlerine imtisâlen huzûr-ı âlîlerine i‘lâm olundu. Fî 3 Saferi’l-hayr sene 1172.