Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 407 Hüküm no: 517 Orijinal metin no: [105b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in vefat eden kardeşi Osman’ın alacak davasında sulh olduğu Ma‘rûz, Sâhib-i arzuhâl Ahmed mahfil-i şer‘iyyâtda arzuhâlde ismi mezkûr Haçador zimmî muvâcehesinde işbu bir kıt‘a temessük mantûkunca her biri âharın zimmetine lâzım gelen mala kefîl ve zâmin olmak üzere hasran vârisi olduğum karındaşım müteveffâ el-Hâc Osman’ın mezbûr Haçador ve hâlikân Keşiş ve Avak zimmetlerinde cihet-i karzdan yüz guruş alacağını kable’l-ahz fevt olmağla meblağ-ı mezbûr bana mevrûs olmağın meblağ-ı mezbûru ber-vech-i muharrer asâlet ve kefâletine binâen mezbûr Haçador’dan hâlâ taleb ederim deyü tasaddî eylediği da‘vâsından bâ-vesâtet-i muslihîn mezbûr Haçador ile bi’l-verâse altmış guruş bedel-i makbûza sulh olup mâ‘adâsına müte‘allika âmme-i da‘vâdan mezbûr Haçador ile hâlikân-ı mesfûrân Keşiş ve Avak’ın vârislerinden her birinin zimmetini bi’l-verâse ibrâ ve iskāt edip mezbûr Haçador dahi bedel-i sulha müte‘allika da‘vâdan mezbûr Ahmed’in [zimmetini] ibrâ ve iskāt etmekle her biri âharın ibrâsını dahi tasdîk ve kabûlle kat‘-ı nizâ‘ etdikleri huzûr-ı âlîlerine i‘lâm olundu. Fî 8 Saferi’l-hayr sene 1172.