Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 410 Hüküm no: 521 Orijinal metin no: [106a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako v. İsak’ın, eşya bedelinden dolayı alacağı olduğunu iddia etmesi Ma‘rûz, Kumaşçı tâifesinden Yako v. İsak nâm Yahûdi mahfil-i şer‘iyyâtda Boşko v. Nikola nâm zimmî muvâcehesinde mersûm Boşko zimmîye bundan akdem bey‘ ve teslîm, ol dahi yedimden iştirâ ve kabz eylediği dört tulum sincab kürk semeninden yüz guruş ve on beş top kutnî semeninden yüz elli guruş ve elli sekiz zirâ‘ Ankara şâlîsi semeninden iki yüz guruş ve otuz dokuz zirâ‘ nîm çuka semeninden yüz guruş ki cem‘an semen-i mebî‘den beşyüz elli guruş hakkım olmağla taleb ederim deyü ba‘de’d-da‘vâ ve’l-inkâr müdde‘î-i mesfûr ber-minvâl-i muharrer müdde‘âsı için şâhide havâle olunduğu bin yüz yetmiş bir senesi Zilhiccesi’nin yirmi beşinci günü zabt olunmuş idi. Henüz da‘vâlarına faysal verilmediği sâdır olan fermân-ı âlîlerine imtisâlen huzûr-ı âlîlerine i‘lâm olundu. Fî 8 Saferi’l-hayr sene 1172.