|
Bab Mahkemesi 54 Numaralı Sicil (H. 1102 / M. 1691) cilt: 20, sayfa: 431 Hüküm no: 527 Orijinal metin no: [94a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ahmed Çelebi b. Sefer’in oturduğu vakıf menzili İbrahim Efendi b. Süleyman’a devretmesi
Merhûme Fâtıma bt. Molla Timur nâm hâtunun süknâsı ba‘de’l-ışâ rûhu için sûre-i Mülk tilâvet etmek üzre bir racül-i sâlih meşrûta vakfı olup, Koca Mustafa Paşa kurbunda Hâce Mihrişah mahallesinde vâki‘ bir tarafdan Osman mülkü ve bir tarafdan Şahbaz menzili ve bir tarafdan imâm menzili ve avârız vakfı ve bir tarafdan tarîk-i âm ile mahdûd tûlen yirmi altı buçuk ve arzan on yedi zirâ‘ arsayı ve iki tahtânî oda ve bir sofa ve kenîfi müştemil menzile tevcîh-i hâkimü’ş-şer‘le mutasarrıf olan Ahmed Çelebi b. Sefer nâm kimesne hüsn-i ihtiyârıyla menzil-i mezkûrdan kasr-ı yedle, süknâ-yı menzil-i mezkûre mahlûle ve işbu İbrahim Efendi b. Süleyman her vechile mahall ü müstahık ve menzile muhtâc olmağın süknâ-yı menzil-i merkūm ber-mûceb-i şart-ı vâkıfe mûmâ-ileyh İbrahim Efendi’ye kıbel-i şer‘den tevcîh olunup tasarrufu için işbu vesîka-i enîka ketb ü terkīm olunup yedine def‘ olundu. Fi’l-yevmi’r-râbi‘ min Recebi’l-mürecceb li sene 1102.
Şuhûdü’l-hâl: Osman Çelebi b. İbrahim, Mustafa b. Mehmed, Mehmed Çelebi b. Receb Mehmed Efendi b. ( ) ve gayruhüm.
|