|
Bab Mahkemesi 54 Numaralı Sicil (H. 1102 / M. 1691) cilt: 20, sayfa: 435 Hüküm no: 532 Orijinal metin no: [95b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yaş yemişçiler pazarbaşılığına Seyyid İsmail’in tayin olunması
Sah Mûcebince tevcîh olunmak buyuruldu. Fî 2 C[emâziyelâhir] sene 1102. Ma‘rûz-ı dâ‘îleri oldur ki, Tâife-i mezkûre bu dâ‘îlerine gelip, mahlûl olan pazarbaşılığa es-Seyyid İsmail’i ihtiyâr edip, cümleden bu hizmete müstahıkdır deyu recâları huzûr-ı âlîlerine arz olundu. Bâkī emr men-lehü’l-emrindir. Devletlü, sa‘âdetlü sultânım hazretleri sağ olsun, Bu kulları İstanbul’da ehl-i dükkân yaş yemiş pazarcıları fukarâları olup, hâlâ pazarbaşı olan Ahmed fevt olup yeri hâlî ve hizmeti mu‘attal olup, yine esnâfımızdan es-Seyyid İsmail du‘âcıları fukarâya enfa‘ ve san‘atımıza ehl-i vukūf ve cümle muhtâr[ı] olmağla, zikr olunan pazarbaşılık, mezbûr du‘âcılarına sadaka ve inâyet buyurulmak bâbında fazîletlü İstanbul Efendisi hazretleri arz edeler deyu emr ü fermân sizindir. Erbâb-ı pazar fukarâları.
|