Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 86 Hüküm no: 18 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in satın aldığı Zenci asıllı köle Aynî bt. Abdullah’ın bedeli olan parayı 101 günde Ayşe bt. Ahmed’e ödeyeceği Mahmiye-i İstanbul’da ( ) Mahallesi’nde sâkinelerinden olup zâtı ta‘rîf-i şer‘î ile mu‘arrefe olan Âişe bt. Mehmed nâm hatun meclis-i şer‘-i şerîf-i enverde işbu râfi‘atü’l-vesîka diğer Âişe bt Ahmed nâm hatun mahzarında ikrâr ve takrîr-i kelâm edip semeni târih-i kitâbdan yüz bir gün tamamına dek mev‘ûd ve müeccel olmak üzere işbu hâzıratü bi’l-meclis orta boylu açık kaşlı kara gözlü Zenciyyetü’l-asl Müslimetü’l-mille Aynî bt. Abdullah nâm câriye-i memlûkesini mezbûre Âişe bevl fi’l-firâş ve cünûne ayıblarından mâ‘adâ cemî‘ uyûbu ile bana yüz otuz guruşa bey‘-i kat‘î ile bey‘ ve teslîm ben dahi ber-vech-i muharrer iştirâ ve tesellüm ve kabz ve kabûl etmişidim hâlâ meblağ-ı mezbûr yüz otuz guruş ecel-i mezkûr hulûlünde mezbûre diğer Âişe Hatun’a zimmetimde vâcibü’l-edâ ve lâzımü’l-kazâ deynimdir dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 8 min-şehri Rebîʻülâhir sene 1121 Şuhûdü’l-hâl: Es-Seyyid Mehmed b. Abdülbâki, Yusuf Çelebi b. İsmail, Mustafa Çelebi b. Şa‘ban, Ali b. İvaz ve gayruhum mine’l-huzzâr.