Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 86 Hüküm no: 19 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İsmail b. Seyyid Hasan’ın, Ohan v. Vartan’ın kefaletiyle Seyyid Mehmed Çelebi’ye verdiği borcu teslim alıp zimmetlerini ibra ettiği Mahmiye-i İstanbul’da Küçükkaraman kurbünde sâkin es-Seyyid İsmail b. es-Seyyid Hasan nâm kimesne mahfil-i kazâda işbu bâ‘isü’s-sifr Ohan v. Vartan nâm zimmî muvâcehesinde ikrâr ve takrîr-i kelâm edip bundan akdem işbu hâzır bi’l-meclis es-Seyyid Mehmed Çelebi zimmetinde cihet-i karz-ı şer‘îden elli guruş hakkım olup meblağ-ı mezbûra merkūm Ohan tarafeynden emir ve kabûlü hâvî kefâlet-i sahîha-i şer‘iyye ile kefîl olmuş idi meblağ-ı mezbûr elli guruşu mezbûr es-Seyyid Mehmed Çelebi bi’d-defa‘ât bana edâ ve teslîm ben dahi yedinden tamamen ahz u kabz eyledim mezbûr es-Seyyid Mehmed ile kefîl-i merkūm Ohan zimmetlerinde bir akçe ve bir habbe hakkım bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu Fî 2 min-şehri Rebîʻülâhir sene 1121 Şuhûdü’l-hâl: Mustafa b. Şa‘ban, Ali b. İvaz, Abdullah b. Abdullah, Ali b. Bâli ve gayruhum mine’l-huzzâr.