Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 55 Hüküm no: 42 Orijinal metin no: [8b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Şişman Yani’nin terekesinin varislerine taksim olunduğu Kartal kazâsında mütemekkin iken bundan akdem hâlik olan Şişman Yani v. Yamandi nâm zimmînin verâseti zevce-i metrûkesi Panayota bt. Frankoli Nasrâniye ile sulbî sagīr oğlu Nikolaki ve sagīre kızı Efendo’ya münhasıra olduğu ba‘de’t-tahkīkı’ş-şer‘î sagīrân-ı merkūmânın bâ-hüccet-i şer‘iye vasiyy-i mansûbesi olan anaları mesfûre talebiyle hâlik-i merkūmun tahrîr ve tahmîn-i sahîh ile tahmîn olunup bi’l-farîzati’ş-şer‘iye beyne’l-verese taksîm olunan metrûkâtı defteridir ki ber-vech-i âtî zikr olunur. Fî 15 Rebî‘ülevvel sene [1]179 Ma‘lûmü’l-müştemilât bir bâb menzil Der-kasaba-i mezbûre 36,000 akçe Ma‘lûmü’l-müştemilât bir bâb dükkân der-kasaba-i mezbûre 72,000 akçe Maldepe Dağı’nda vâki‘ bir kıt‘a dut ve çavuş bağı 18 dönüm Fi 12 72,000 akçe Mezkûr dağda ön tarafda vâki‘ cedîd bir kıt‘a dut bağı 5 dönüm Fi 9 48,000 akçe Oda ve dükkânda mevcûd eşyâ ve ...?, bel ve çapa ve kazma ve esvâb Ber-vech-i tahmîn 12,000 akçe Cem‘an yekûn 240,000 akçe Minhâ el-ihrâcât Hâlik-i merkūmun lâşesine mesârif 18,000 akçe Resm-i kısmet 6,000 akçe Harc-ı hüccet-i vesâyet ve nezâret ve nafaka 1920 akçe Kâtibiye ve kalemiye 840 akçe Hüddâmiye ve çukadâriye 840 akçe Yekûn: 11400 akçe Sahhü’l-bâkī: 2208600 kesr 2 Hisse-i zevceti’l-mezbûre 28573 akçe Hisse-i ibnü’l-mezkûr 133350 akçe Hisse-i binti’l-mesfûre 66675 akçe