Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 110 Hüküm no: 52 Orijinal metin no: [8a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye bt. Abdullah’ın geçinemediği kocası Hacı Şa‘ban b. Mehmed’den boşandığı Mahmiye-i İstanbul’da Arpa Emîni Mahallesi’nde sâkine olup zâtı Hasan b. Mustafa ve Mehmed b. Abdullah nâm kimesneler ta‘rîfleriyle mu‘arrefe olan Safiye bt. Abdullah nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb el-Hâc Şa‘ban b. Mehmed nâm kimesne mahzarında ikrâr ve takrîr-i kelâm edip mezbûr el-Hâc Şa‘ban zevcim olup beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Şa‘ban ile muhâla‘a-i sahîha-i şer‘iyye ile muhâla‘a olduğumda ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 24 min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Hasan Çelebi b. Mustafa, Hasan Çelebi b. Abdullah, Mehmed b. Abdullah, Ali b. İvaz ve gayruhum mine’l-huzzâr.