Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 112 Hüküm no: 55 Orijinal metin no: [8b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koyun Baba’nın mezarının mütevellîsi olan Hadice Hatun’un vefâtı üzerine yerine Hüseyin b. Mustafa’nın tayin edildiği Ashâb-ı hayrâtdan merhûm Koyun Baba’nın Ali Paşa hamamı kurbünde vâki‘ merkad-ı şerîfinin mütevellîsi olan Hadice Hatun fevt olup yeri mahlûl ve hizmeti mu‘attal olmağla kıbel-i şer‘den yerine bir mütevellî nasb u ta‘yîn olunmak ehem ve elzem olmağın işbu sâhibü’l-kitâb Hüseyin b. Mustafa müstakīm ve dindâr ve her vechile perhizkâr olduğu sikāt ihbârıyla müte‘ayyin olmağla kıbel-i şer‘den mezkûr Hüseyin ber-vech-i hasbî mütevellî nasb u ta‘yîn olundukda ol dahi tevliyet-i mezkûreyi kabûl ve merâsimini edâya ta‘ahhüd ve iltizâm etmeğin tasarrufîçün işbu vesîka bi’t-taleb ketb olundu. Fî 14 min-Cumâdelûlâ sene 1121 Şuhûdü’l-hâl: Mustafa b. Şa‘ban, Ali b. İvaz, Abdullah b. Abdullah, Ali b. Bâli ve gayruhum mine’l-huzzâr.