Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 113 Hüküm no: 56 Orijinal metin no: [8b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hacı Mehmed b. Receb’in Ekmekçi Haçok v. Kiragos’da buğday bedelinden olan alacağını ödemesi için Haçok’a tenbih edildiği Mahmiye-i İstanbul’da Çerâğī Hasan Mahallesi’nde sâkin işbu râfi‘u’l-kitâb es-Seyyid el-Hâc Mehmed b. Receb nâm kimesne mahfil-i kazâda ekmekçi tâifesinden Haçok v. Kiragos nâm zimmî muvâcehesinde üzerine da‘vâ ve takrîr-i kelâm edip mezbûr Haçok yedimden iştirâ ve kabz eylediği keyli beynimizde ma‘lûm buğday bahâsından ba‘de külli hesâb on iki bin iki yüz seksen sekiz akçe hakkım olup taleb eylediğimde bana edâdan imtinâ‘ eder suâl olunup edâya tenbîh olunmak matlûbumdur dedikde gıbbe’s-suâl mezbûr Haçok cevâbında fi’l-vâki‘ bundan akdem müdde‘î-i mezbûr yedinden iştirâ ve kabz eylediği keyli beynimizde ma‘lûm buğday bahâsından ba‘de külli hesâb müdde‘î-i mezbûra on iki bin iki yüz seksen sekiz akçe deynim vardır deyü ikrâr u i‘tirâf etmeğin alâ-mûcib-i i‘tirâfihî meblağ-ı mezbûr on iki bin iki yüz seksen sekiz akçeyi müdde‘î-i mezbûra edâ ve teslîme mezbûr Haçok zimmîye tenbîh-birle mâ-vaka‘a bi’t-taleb ketb olundu. Fî 4 min-Cumâdelûlâ sene 1121 Şuhûdü’l-hâl: Mustafa b. Şa‘ban, Ali Çelebi b. Bâli, Hasan Çelebi b. Mustafa, Ali Çelebi b. İvaz, Süleyman Çelebi b. Abdullah ve gayruhum mine’l-huzzâr.