Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 116 Hüküm no: 60 Orijinal metin no: [9a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Musa’nın geçinemediği kocası Ali Beşe b. Mehmed’den boşandığı Mahmiye-i İstanbul’da Keçeci Pîrî Mahallesi’nde sâkine olup zâtı ta‘rîf-i şer‘î ile mu‘arrefe olan Râbia bt. Musa nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Ali Beşe b. Mehmed nâm kimesne mahzarında ikrâr ve takrîr-i kelâm edip zevcim mezbûr Ali Beşe ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh <> üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine [9b] ve mezbûr Ali Beşe’nin firâşından hâsıl ve benden mütevellîd bi-hakkı’l-hıdâne hacr ve terbiyemde olan sadrî sagīr oğlum Mehmed’i dahi yedi yaşına değin kendi mâlımdan infâk ve iksâ etmek üzere ve meûnet-i süknâm dahi kendi üzerime olmak üzere zevcim mezbûr Ali Beşe ile muhâla‘a-i sahîha-i şer‘iyye ile muhâla‘a eylediğimde ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 8 min-şehri Rebîʻülâhir sene 1121 Şuhûdü’l-hâl: Mustafa b. Şa‘ban, Ali b. İvaz, Abdullah b. Abdullah, Ali b. Bâli, Hasan el-Muhzır ve gayruhum mine’l-huzzâr.