Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 117 Hüküm no: 62 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hüseyin b. Fazlı’nın Kurd Çavuş tımarının tasarrufunu aldığı Mehmed Ağa b. Osman’dan zarar iddiasıyla açtığı davadan vazgeçtiği Mahmiye-i İstanbul’da Ayasofya-i Kebîr Mahallesi’nde sâkin el-Hâc Hüseyin b. Fazlı nâm kimesne mahfil-i kazâda işbu râfi‘u’l-kitâb Mehmed Ağa b. Osman mahzarında ikrâr ve takrîr-i kelâm edip mezbûr Mehmed Ağa Saruhan sancağında Gerdos kazâsında vâki‘ Kurd Çavuş tımarı demekle ma‘rûf tımarını bin yüz on dokuz senesinde dört yüz guruşa bana deruhde ben dahi iltizâm ve kabûl ve zabt edip lâkin tımar-ı mezkûrdan seksen guruş zararım var deyü meblağ-ı mezbûr seksen guruşu mezkûr Mehmed Ağa’dan taleb ve da‘vâ etmişidim hâlâ meblağ-ı mezbûr da‘vâsından mezbûr Mehmed Ağa’nın zimmetini ibrâ-i âmm-ı kātı‘u’n-nizâ‘la ibrâ ve iskāt eyledim dedikde gıbbe’t-tasdîkı’l-mer‘î mâ-vaka‘a bi’t-taleb ketb olundu Fî 7 min-şehri Rebîʻülâhir sene 1121 Şuhûdü’l-hâl: Es-Seyyid Ali Çelebi b. Abdi, Mehter Mehmed Çavuş, Hasan b. Mustafa el-Muhzır, Mehmed Çelebi b. Ahmed, Mustafa Çavuş b. Mehmed, Mehmed Efendi el-Kâtib ve gayruhum mine’l-huzzâr.