Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 139 Hüküm no: 94 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Marko v. Marat’ın Feyzullah Beşe b. Mustafa ile ortağı Hacı Ali b. Mehmed’e olan borçlarını ödeyip sattığı koyundan olan alacağını da teslim aldığı Çoban tâifesinden Marko v. Marat nâm zimmî meclis-i şer‘-i şerîf-i enverde işbu râfi‘u’l-kitâb Feyzullah Beşe [b.] Mustafa nâm kimesne mahzarında ikrâr ve takrîr-i kelâm edip mezbûr Feyzullah Beşe’ye cihet-i deyn-i şer‘îden olan elli iki bin altı yüz elli yedi akçe deynimin kırk iki bin elli yedi akçesini bi’d-defa‘ât kendiye def‘ ü teslîm ve bâkī zimmetimde olan on bin altı yüz akçe deynimi şerîki ve vekîli gāib ani’l-meclis el-Hâc Ali b. Mehmed nâm kimesneye bey‘ eylediğim elli re’s koyun bahâsından olan on beş bin akçe hakkımın on bin altı yüz akçesine takās eylediğimde ol dahi mukāssa ve kabûl edip bâkī koyun bahâsından dört bin dört yüz akçe hakkımı da‘vâ eylediğimde ol dahi inkâr etmekle müdde‘âmı muvâcehesinde ve hüccet-i şer‘î üzere şuhûd-ı udûl ile isbât ve hükm-i şer‘î lâhık olmuş idi hâlâ meblağ-ı mahkûmün-bih olan dört bin dört yüz akçeyi mezbûr Feyzullah Beşe yedinden tamamen ahz u kabz edip mârru’z--zikr koyun bahâsından mezbûr Feyz[ullah] Beşe ve gāib-i mezbûr zimmetinde ve yedinde bir akçe ve bir habbe hakkım bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ aşer min-şehri Rebî‘ülâhire sene 1121 Şuhûdü’l-hâl: Kethüdâ Pehlivan Mahmud Beşe b. ( ), Mustafa Çelebi b. Şa‘ban, Ali b. Bâli, Hasan Beşe b. Mustafa, Ali [b.] İvaz.