Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 156 Hüküm no: 116 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan Bayezid-i Cedid Mahallesi’nde Dilaver bt. Abdullah’ın yanan vakıf evinin arsasına Fâtıma bt. Ahmed’in mütevellî tayini Mahmiye-i İstanbul’da Sultan Bayezid-i Cedîd Mahallesi’nde vâki‘ bir tarafı Mehmed Bey ve Fâtıma Hatun mülkleri ve bir tarafı vakıf odalar ve bir tarafdan Harâccı Ali Çelebi mülkü ve bir tarafı tarîk-i âm ile mahdûd menzil Dilaver bt. Abdullah nâm hatunun tasarrufu evvelen kendi nefsine ba‘dehâ zevci Ahmed Çavuş’a baʻde’l-inkırâz evlâdına ve evlâd-ı evlâdına ve evlâd-ı evlâd-ı evlâdına ba‘dehum gallesi Medîne-i münevvere fukarâsına meşrûta vakfı olup lâkin menzil-i mezbûr muhterik olup arsa-yı sırfa kalmağla hâlâ arsa-yı mezkûreye bir mütevellî nasb u ta‘yîn olunmak lâzım ve mühim olmağın merkūm Ahmed Çavuş’un sulbiye kızı Hatice’nin sadriye kebîre kızı Fâtıma bt. Ahmed nâm hatun arsa-yı mezkûreye meşrûtası olduğundan mâ‘adâ tevliyet-i mezkûreye dahi her vechile müstehakka olup tevliyet-i mezbûre uhdesinden gelmeğe kādire olmağın hâkim-i muvakki‘-ı sadr-ı kitâb tûbâ-lehû ve hüsnü-meâb hazretleri mezbûre Fâtıma’yı hasbî mütevelliye nasb u ta‘yîn ettikde ol dahi tevliyet-i mezbûreyi kabûl ve merâsimini edâya ta‘ahhüd etmeğin mâ-vaka‘a bi’t-taleb ketb olundu. Fî 22 min-şehri Rebîʻülâhir sene 1121 Şuhûdü’l-hâl: Ali Çelebi b. Bâli, Hasan b. Mustafa, Ali Çelebi b. İvaz Muhzır, Süleyman b. Abdullah, Hasan b. Abdullah ve gayruhum mine’l-huzzâr.