Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 158 Hüküm no: 118 Orijinal metin no: [16b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Yusuf’un geçinemediği kocası Mustafa Çelebi b. Mehmed’den boşandığı Mahmiye-i İstanbul’da Kefeli Mahallesi’nde sâkine olup zâtı Mehmed Efendi b. Mustafa ve Ali b. Murtaza nâm kimesneler ta‘rîfleriyle mu‘arrefe olan işbu râfi‘atü’l-kitâb Âişe bt. Yusuf nâm hatun meclis-i şer‘-i şerîf-i enverde zevc-i dâhili Mustafa Çelebi b. Mehmed nâm kimesne mahzarında ikrâr ve takrîr-i kelâm edip mezbûr Mustafa zevcim olup beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan iki bin dört yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi [17a] üzerime olmak üzere zevcim mezbûr Mustafa ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezbûru baʻde’l-kabûl hukūk-ı zevciyete ve sâir târih-i kitâba gelince beynimizde cereyân eden hukūk-ı ma‘lûme ve mechûleye müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 24 min-şehri Rebîʻülâhir sene 1121 Şuhûdü’l-hâl: Ahmed Efendi b. Hüseyin el-İmâm, Abdullah Çelebi b. Mustafa, el-Hâc Mustafa b. Ebûbekir, Hüseyin Çelebi b. Ali, Ahmed Çelebi b. Ebûbekir, Mustafa Çelebi b. Şa‘ban, Hasan Çelebi b. Mustafa, Hasan Çelebi b. Abdullah, Süleyman Çelebi b. Abdullah, Ali Çelebi b. Bâli, Ali b. İvaz ve gayruhum mine’l-huzzâr.