Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 160 Hüküm no: 121 Orijinal metin no: [17a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İvaz Hatun bt. Abdullah’ın bazı eşyalarını Emine bt. Musa’ya sattığı Mahmiye-i İstanbul’da Hoca Hayreddin Mahallesi’nde sâkine olup zâtı ma‘rifet-i şer‘iyye ile ârifân Mehmed b. Osman ve Ahmed b. Mehmed ta‘rîfleriyle mu‘arrefe olan İvaz bt. Abdullah nâm hatun mahfil-i kazâda işbu râfi‘atü’l-kitâb Emine bt. Musa nâm hatun mahzarında ikrâr ve takrîr-i kelâm edip taht-ı yedimde mülk ve hakkım olan eşyâ-i memlûkemden altı yemenî yasdık ve üç minder ve bir döşek ve üç köhne yorgan ve üç sagīr tencere ve beş sahan bir tâbe ve bir leğen ma‘a ibrik ve köhne Mısır hasırını bi-safkatin vâhidetin tarafeynden îcâb ve kabûlü hâvî bey‘-i kat‘î ile mezbûre Emine’ye on guruşa bey‘ ve temlîk ve teslîm ol dahi ber-vech-i muharrer iştirâ ve temellük ve tesellüm ve kabûl ve kabz eylediğinden sonra semeni olan meblağ-ı mezbûr on guruş mutâlebesinden mezbûre Emine’nin zimmetini ibrâ ve iskāt eyledim baʻde’l-yevm eşyâ-i muharrere-i mezkûre mezbûre Emine[nin] mülk-i müşterâsı olmuşdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min-şehri Rebî‘ilâhıre li-sene ihdâ ve işrîn ve miʼete ve elf. Şuhûdü’l-hâl: Mustafa Çelebi b. Şa‘ban, Ebûbekir b. Mustafa, Mehmed b. Hasan, Mehmed b. Osman, Ahmed b. Mehmed, Hasan b. Mehmed, Hasan Çelebi b. Abdulkādir, Ali b. İvaz, Abdullah b. Abdullah.