Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 174 Hüküm no: 140 Orijinal metin no: [19b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Râbia bt. Seyyid Mehmed’in Hasan b. Mustafa ile evlenen beslemesi Raziye bt. Mehmed’de ev eşyası olarak hiçbir alacağının olmadığı Mahmiye-i İstanbul’da Dâye Hatun Mahallesi’nde sâkine zâtı ta‘rîf-i şer‘î ile mu‘arrefe olan Şerife Râbia bt. es-Seyyid Mehmed nâm hatun mahfil-i kazâda beslemesi olan işbu râfi‘atü’l-vesîka Raziye bt. Mehmed nâm hatun mahzarında bi-tav‘ihâ ikrâr ve takrîr-i kelâm edip bundan akdem mezbûre Raziye müddet-i ma‘lûmede bana hizmet edip ben dahi kendiyi terbiye etmişidim. Hâlâ nefsini işbu Hasan b. Mustafa nâm kimesneye tezvîc etmekle benim mezbûre Raziye yedinde esâs-ı beyt ve evânî-i nuhâsiye ve gayr-ı nuhâsiyeden bir şeyim kalmayıp târih-i kitâba gelince âmme-i da‘vâdan mezbûre Raziye’nin zimmetini ibrâ-i âm ile ibrâ ve iskāt eyledim dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 26 min-şehri Rebîʻülâhir sene 1121 Şuhûdü’l-hâl: Süleyman b. Mehmed, İbrahim b. Mehmed, Mehmed b. Zülfikār, Ali b. Mehmed, Usta Ahmed b. Abdurrahman, İbrahim Efendi b. Mehmed ve gayruhum mine’l-huzzâr.