Üsküdar Mahkemesi 1 Numaralı Sicil (H.919-927 / M. 1513-1521) cilt: 1, sayfa: 361 Hüküm no: 646 Orijinal metin no: [100a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol b. Yorgi’nin İşaya b. Abraham’a 1450 akçe borcu olduğu ve borcuna karşılık Kuzguncuk’taki evini rehin koyduğu. Yazıldı Hüccet Fasl Vech-i tezkiretü’l-hurûf oldur ki Manol b. Yorgi şöyle ikrâr-ı sahîh edip dedi ki işbu İşaya? b. Abraham[’a] bin dört yüz elli râyic akçe deynim vardır deyn-i mezkûr için Kuzguncuk nâm karyede olan mülk evim ki mahdûddur mezkûr İşaya? mülkiyle ve kâfirî harâbe kiliseyle ve ve tarîk-i âmmiyle Dimitri b. Balaban eviyle zikr olan mahdûd evimi tahliye edip ve mezkûr İşaya’da? rehin koyup teslîm etdim ve ol dahi irtihân ve kabz kıldıkdan sonra mezkûru vekîl-i devrî kıldım ki târih-i kitâbdan sene-i kâmile tamâm olunca meblağ-ı mezkûru mezbûr İşaya’ya? edâ etmezsem zikr olan evi satıp semeninden istîfâ ede ve meblağ-ı mezbûra mezkûr Manol’ün zevcesi Erine bt. Dimitri kefîl olup mukarrun-leh mezbûr dahi mukırr-ı mezkûru cemî‘ ikrârında tasdîk edip sebt-i sicil olundu. Tahrîren fî 19 Ramazan sene hamse ve işrîn ve tis‘a mi’e Şuhûd Yusuf b. Abdullah Şah Bâli b. Ali Fakih ve Katırcı Kemal b. Yakub ve Seferşah b. Süleyman Terzi ve gayruhum