Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 187 Hüküm no: 158 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun bt. Ramazan’ın geçinemediği kocası Osman b. Mehmed’den boşandığı Mahmiye-i İstanbul’da Hamamcı Muhyiddin Mahallesi sâkinelerinden olup zâtı ma‘rifet-i şer‘iyye ile ârifân Ahmed Beşe b. Abdurrahman ve Mehmed b. Abdullah ta‘rîfleriyle mu‘arrefe olan Âmine bt. Ramazan nâm hatun mahfil-i kazâda zevc-i dâhili işbu bâ‘isü’l-kitâb Osman b. Mehmed nâm kimesne mahzarında ikrâr ve takrîr-i kelâm edip mezbûr Osman ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan iki bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere mezbûr Osman ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezbûru kabûl ettiğinden sonra hukūk-ı zevciyete müte‘allika âmme-i de‘âvî ve kâffe-i mutâlebâtdan benim zimmetimi ibrâ-i âmm-ı kātı‘u’n-nizâ‘la ibrâ ve iskāt eyledi dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî-gurreti Cumâdelûlâ sene 1121 Şuhûdü’l-hâl: Es-Seyyid Mehmed b. Abdülvehhab el-Muhzır, Ömer Çelebi b. Ahmed el-Muhzır, İbrahim b. Mustafa el-Muhzır, Ahmed Beşe b. Muslu, Mehmed Çelebi b. Abdullah, Ali b. İvaz, Hasan b. Mustafa ve gayruhum mine’l-huzzâr.