Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 189 Hüküm no: 161 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun bt. İbrahim’in geçinemediği kocası Mustafa Beşe b. Mehmed’den boşandığı Mahmiye-i İstanbul’da Karabaş Mahallesi sâkinelerinden olup zâtı el-Hâc Yusuf b. Abdullah ve Hüseyin Beşe b. Hasan ta‘rîfleriyle mu‘arrefe olan Âişe bt. İbrahim nâm hatun mahfil-i kazâda zevc-i muhâli‘i işbu râfi‘u’l-kitâb Mustafa Beşe b. Mehmed mahzarında ikrâr ve takrîr-i kelâm edip mezbûr Mustafa zevcim olup beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mustafa Beşe ile muhâla‘a-i sahîha-i şer‘iyye ile muhâla‘a olduğumda ol dahi vech-i meşrûh üzere hul‘-ı mezkûru kabûl eylediğinden sonra hukūk-ı zevciyete müte‘allika olan âmme-i da‘vâdan her birimiz âharın zimmetini ibrâ-i âmm-ı rafi‘ü’n-nizâ‘la ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî-gurreti Cumâdelûlâ sene 1121 Şuhûdü’l-hâl: Abdullah Efendi el-İmâm, el-Hâc Yusuf Kethüdâ Arabacı, Hüseyin Beşe b. Hasan, Mehmed b. Abdullah, Ömer Çelebi b. Ahmed, es-Seyyid Mehmed b. Abdülvehhab, Mustafa b. Şa‘ban, Ali Çelebi b. İvaz.