Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 199 Hüküm no: 175 Orijinal metin no: [24a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Abdullah’ın evini üvey oğlu İsmail b. Mustafa’ya satıp terekeye ait hususta da birbirlerinin zimmetlerini ibra ettikleri Mahmiye-i İstanbul’da Arabacı Bayezid Mahallesi’nde sâkine Sâliha bt. Abdullah nâm hatun mahfil-i kazâda üvey oğlu İsmail b. Mustafa mahzarında ikrâr ve takrîr-i kelâm edip mahalle-i mezbûrede vâki‘ ma‘lûmü’l-hudûd mülk menzilimi yedimde olan hüccet nâtık olduğu üzere mezbûr İsmail’e yüz guruş semen-i merkūma bey‘ ve teslîm ol dahi iştirâ ve tesellüm ve meblağ-ı mezbûru yedinden ahz u kabz ettiğimden sonra babası müteveffâ-i mezbûr Mustafa’nın terekesinden hisse-i irsiyyeme müte‘allika da‘vâdan ben mezkûr İsmail’in zimmetini ibrâ ve iskāt edip ol dahi semen-i mezkûra ve tereke-i müteveffâ-i mezbûra müte‘allika âmme-i da‘vâdan benim zimmetimi ibrâ ve iskāt eyledi dedikde mezkûr İsmail mezbûre Sâliha Hatun’u cemî‘-i kelimât-ı meşrûhasında vicâhen ve şifâhen tasdîk ve tahkīk etmeğin mâ-vaka‘a bi’t-taleb ketb olundu. Fî 28 min-şehri Rebîʻülâhir sene 1121 Şuhûdü’l-hâl: el-Hâc Mustafa Efendi tâbi‘ efendi, Mehmed Çelebi Kethüdâ-yı muhzırân, Muhzır Mustafa Çelebi, Hüseyin Beşe Çukadâr ve gayruhum mine’l-huzzâr.