Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 233 Hüküm no: 223 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Çelebi b. Halil’e borcu olan Yusuf b. Abdullah’a borcunu ödemesinin tenbih edildiği Mahmiye-i İstanbul’da Seferikoz Mahallesi’nde sâkin işbu râfi‘u’l-kitâb İbrahim Çelebi b. Halil nâm kimesne mahfil-i kazâda Yusuf b. Abdullah nâm kimesne mahzarında üzerine da‘vâ ve takrîr-i kelâm edip bundan akdem kendi mâlımdan altmış guruşumu mezbûr Yusuf’a ikrâz ve teslîm ol dahi iktirâz ve tesellüm ve kendi mesârifine sarfla istihlâk edip yedime deyn temessüğü dahi vermişidi suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr Yusuf cevâbında fi’l-vâki‘ bundan akdem müdde‘î-i mezbûr kendi mâlından altmış guruşunu bana ikrâz ve teslîm ben dahi iktirâz ve tesellüm ve kendi mesârifime sarfla istihlâk edip yedime deyn temessüğü dahi vermişidi suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr Yusuf cevâbında fi’l-vâki‘ bundan akdem müdde‘î-i mezbûr kendi mâlından altmış guruşunu bana ikrâz ve teslîm ben dahi iktirâz ve tesellüm ve kendi mesârifime sarfla istihlâk edip yedine deyn temessüğü dahi vermişidim hâlâ meblağ-ı mezbûr zimmetimde vâcibü’l-edâ deynimdir deyü ikrâr u i‘tirâf etmeğin alâ-mûcebi i‘tirâfihî meblağ-ı mezbûr altmış guruşu müdde‘î-i mezbûra edâ ve teslîme mezbûr Yusuf’a tenbîh-birle mâ-vaka‘a bi’t-taleb ketb olundu. Fî 17 min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Ali Çelebi b. Bâli, Hasan Çelebi b. Mustafa, Ali Çelebi b. İvaz, Süleyman b. Abdullah ve gayruhum mine’l-huzzâr.