Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 237 Hüküm no: 228 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım bt. Yusuf’a kendisini bırakıp giden kocası Mustafa b. Lütfullah’ın ödemesi şartıyla nafaka tayin edildiği Mahmiye-i İstanbul’da Ali Paşa-yı Atîk Mahallesi sâkinelerinden olup zâtı ta‘rîf-i şer‘î ile mu‘arrefe olan işbu râfi‘atü’l-kitâb Âişe bt. Yusuf nâm hatun meclis-i şer‘-i şerîf-i enverde takrîr-i kelâm edip zevcim Mustafa b. Lütfullah bilâ-nafaka beni bırakıp diyâr-ı âhara gitmekle nafaka ve kisveye zarûret ve ihtiyâcım olmağla kıbel-i şer‘den kadr-i ma‘rûf nafaka ve kisve-bahâ farz ve takdîr olunmak murâdımdır dedikde ba‘de’t-tahlîf hâkim-i muvakki‘-ı sadr-ı kitâb tûbâ-lehû ve hüsnü-meâb hazretleri mezbûre Âişe’nin nafaka ve kisve-bahâsıʼçün beher yevm yedişer akçe gāib-i mezbûr Mustafa üzerine farz ve takdîr edip meblağ-ı mefrûz-ı mezkûru harc u sarfa ve hîn-i zarûretde istidâneye ve lede’z-zafer gāib-i mezbûr üzerine rücû‘a mezbûre Ayşe’ye izin vermeğin mâ-vaka‘a bi’t-taleb ketb olundu. Fî 10 min-Cumâdelûlâ sene 1121 Şuhûdü’l-hâl: Ahmed b. Ali, Ali b. el-Hâc Hasan, Mehmed Beşe b. Salih, Mustafa b. Mehmed, Musa b. Osman, Mustafa b. Mehmed ve gayruhum mine’l-huzzâr.