Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 237 Hüküm no: 229 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ömer’in geçinemediği kocası Ali Beşe b. Mehmed’den boşandığı Mahmiye-i İstanbul’da Şâh Sultan Mahallesi’nde sâkine olup zâtı Ali b. İvaz ve Hasan b. Abdullah nâm kimesneler ta‘rîfleriyle mu‘arrefe olan Fâtıma bt. Ömer nâm hatun meclis-i şer‘-i şerîf-i enverde zevc-i dâhili işbu râfi‘u’l-vesîka Ali Beşe b. Mehmed nâm kimesne mahzarında ikrâr ve takrîr-i kelâm edip mezbûr Ali Beşe zevcim olup beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan bin yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Ali Beşe ile muhâla‘a-i sahîha-i şer‘iyye ile muhâla‘a olduğumda ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 18 min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Ali Çelebi b. İvaz, Hasan Çelebi b. Abdullah, Hasan Çelebi b. Abdullah, Ali Çelebi b. Bâli ve gayruhum mine’l-huzzâr.