Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 242 Hüküm no: 235 Orijinal metin no: [31a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koyunbaba mezarının türbedarı Hadice’nin vefâtı üzerine yerine Hüseyin b. Mustafa’nın tayin edildiği Mahmiye-i İstanbul’da Ali Paşa-yı Atîk hamamı kurbünde vâki‘ merhûm Koyunbaba’nın merkad-ı şerîfinin bâ-hüccet-i şer‘iyye türbedârı olan Hadice fevt olup yeri hâlî ve hizmet-i lâzımesi mu‘attal olmağla yerine kıbel-i şer‘den bir türbedâr nasb u ta‘yîn olunmak ehem ve elzem olmağın işbu sâhibü’l-kitâb Hüseyin b. Mustafa müstakīm ve dindâr ve her vechile perhizkâr olduğu sikāt ihbârıyla müte‘ayyin olmağla kıbel-i şer‘den mezkûr Hüseyin ber-vech-i hasbî türbe-i mezkûreye türbedâr nasb u ta‘yîn olundukda ol dahi türbe-i mezkûrenin türbedârlığını kabûl ve merâsimini kemâ-yenbagī edâya ta‘ahhüd ve iltizâm etmeğin işbu vesîka-i enîka bi’t-taleb ketb olundu. Fî 14 min-Cumâdelûlâ sene 1121 Şuhûdü’l-hâl: Mustafa b. Şa‘ban, Ali b. İvaz, Abdullah b. Abdullah, Ali b. Bâli ve gayruhum mine’l-huzzâr.